Federata e Futbollit në Australi vendos për portierin që fyeu Berishën

64

Portieri Dean Bouzanis është dërguar direkt në komitetin për disiplinë dhe etikë në Federatën e Futbollit të Australisë, pasi kishte fyer sulmuesin shqiptar të Melbourne Victoryt, Besart Berisha.

Paneli për rishikim të ndeshjes së A-League kishte parë që portieri e kishte quajtur Berishën dy herë “cigan” në derbin e së shtunës.

Pritet suspendimi prej pesë javësh, pavarësisht se Melbourne City kishte kërkuar falje në emër të futbollistit dhe vetë 26-vjeçari kishte pranuar të shkonte në një kurs edukimi, raporton “The Guardian”.

Incidenti kishte ardhur pasi gjyqtarët kishin vendosur të jepnin një autogol ndaj Manny Muscat në minutën e 86-të që i solli fitoren Victorys 2 me 1. Berisha festoi në fytyrën e Bouzanisit pasi goli u dha dhe portieri u përgjigj me ofendime.

Ndërkohë, Tim Cahill është suspenduar për një ndeshje pasi shau gjyqtarin menjëherë pas kartonit të kuq në të njëjtin incident me Bouzanisin.

Na ndiqni në Facebook për lajmet e fundit.