Ylli i Arsenalit zbulon një prapaskenë interesante: Erdhën ta transferojnë shokun tim, më morën mua

8

Mohamed Elneny është bërë një futbollist shumë i rëndësishëm i Arsenalit.

Egjiptiani vite më parë luajti në Basel para se të transferohej në Londër tek ‘Topçinjtë’.

Por transferimi i tij te Arsenali ka qenë i rastësishëm, pasi Elneny nuk ishte fare objektiv i skuadrës angleze.

Skautët e Arsenalit kishin udhëtuar drejt Zvicrës për ta parë nga afër mbrojtësin Fabian Schar, mirëpo pasi panë paraqitjen e Elnenyt, ata vendosën ta transferojnë egjiptianin.

Ka qenë vetë futbollisti i Arsenalit që e ka zbuluar këtë gjë.

“Arsenali ishte duke e vëzhguar shokun tim Fabian Schar dhe të gjithë u gëzuam për të kur morëm veshë”.

“Transferimi i tij në Arsenal ishte shumë afër të ndodhte, por drejtuesit e Arsenalit vendosën të më transferonin mua”.

“Kjo ndodhi pasi kur ata ishin në stadium unë pata paraqitje të mira për Baselin”, ka deklaruar Elneny.

Gjithsesi Schar nuk mbeti në Basel, pasi iu bashkua skuadrës gjermane Hoffenheim.


Na ndiqni në Facebook për lajmet e fundit.